અકસ્માત કેવી રીતે સર્જાયો અને તેમાં બેદરકારીનું ચોક્કસ કારણ શું હતું તે અંગે ભેસ્તાન પોલીસ વધુ તપાસ કરી રહી છે. આ કરુણ ઘટનાએ એક જ ક્ષણમાં માતા અને માસૂમ દીકરીનો જીવ લઈ લીધો છે, જેના કારણે પરિવાર પર આભ ફાટી પડ્યું છે. સમગ્ર વિસ્તારમાં શોકનું વાતાવરણ છવાઈ ગયું છે. પોલીસે લોકોને માર્ગ પર વાહન ચલાવતી વખતે સાવચેતી રાખવા તેમજ ભારે વાહન ચાલકોને ટ્રાફિકના નિયમોનું કડક પાલન કરવાની અપીલ કરી છે.
Category : Gujarat
સુરતમાં કાળ બનીને આવેલા ડમ્પરે આખો પરિવાર વિખેરી નાખ્યો, મામાની આંખ સામે જ બહેન અને 3 વર્ષની ભાણીનું કરુણ મોત
સુરત: શહેરના ભેસ્તાન વિસ્તારમાં આજે હૃદયદ્રાવક માર્ગ અકસ્માતની ઘટના સામે આવી છે. એક બેફામ ડમ્પરચાલકે મોપેડને અડફેટે લેતા 22 વર્ષીય મહિલા અને તેની માત્ર ત્રણ વર્ષની માસૂમ દીકરીનું ઘટનાસ્થળે જ કરુણ મોત નીપજ્યું હતું. ઘટનાને પગલે સમગ્ર વિસ્તારમાં શોકની લાગણી પ્રસરી ગઈ હતી અને મોટી સંખ્યામાં લોકો ઘટનાસ્થળે એકત્ર થયા હતા.
ડમ્પરે મોપેડને જોરદાર ટક્કર મારતા માતા-દીકરીના મોત
પ્રાથમિક માહિતી મુજબ, મૃતક મહિલાની ઓળખ રુકશાન ઇમરાન સૈયદ તરીકે થઈ છે. રુકશાન પોતાની ત્રણ વર્ષની દીકરી જૈનમ સાથે મોપેડ પર ડીંડોલી આવાસ તરફ જઈ રહી હતી. તે દરમિયાન ભેસ્તાન વિસ્તારમાં પાછળથી આવેલા ડમ્પરે મોપેડને જોરદાર ટક્કર મારી હતી. અકસ્માત એટલો ગંભીર હતો કે માતા અને દીકરી બંનેને જીવલેણ ઇજાઓ પહોંચી હતી અને બંનેનું ઘટનાસ્થળે જ મોત નીપજ્યું હતું.
ભારે વાહનોની બેદરકારીભરી ડ્રાઇવિંગ સામે કડક કાર્યવાહી
અકસ્માતની જાણ થતાં ભેસ્તાન પોલીસ તાત્કાલિક ઘટનાસ્થળે પહોંચી હતી. પોલીસે મૃતદેહોને પોસ્ટમોર્ટમ માટે હોસ્પિટલ ખસેડવાની કાર્યવાહી હાથ ધરી હતી. ઘટનાને લઈને સ્થાનિકોમાં ભારે રોષ જોવા મળ્યો હતો. લોકો દ્વારા શહેરમાં ભારે વાહનોની બેદરકારીભરી ડ્રાઇવિંગ સામે કડક કાર્યવાહી કરવાની માગ ઉઠી છે. પોલીસે ડમ્પર ચાલકને અટકાયત કરીને તેની સામે કાયદેસરની કાર્યવાહી શરૂ કરી છે.
Related Posts
Load more
